Touch'NGo သွက်ညးရပ်လဝ်ကာတ်ယူအာန်

နူကဵု ရုၚ်ယူအာန်တအ်ဆဵုဂဗတက်ကျာ ဂွံတၚ်တုပ်စိုတ် သွက်ညးရပ်လဝ်ယူအာန်အုက်ချ်ဇြဳအာတအ် ဂွံသုၚ်စောဲ Touch'NGo ကီုရ။ ဟိုတ်ဂှ်ရ ညးညးအဲအဲ ယဝ် ကာတ်ယူအာန်နွံမ္ဂးတံၚ်ဂြဲကေတ် App နူကဵု App Store ကီု နူကဵု Google Play Store ကီု နူကဵု Huawei App Gallery ကီုတုဲ ပ္တိုန် ရဳဂျေတ်သတာ သွက်ဂွံသုၚ်စောဲ Touch'NGo မာန်ရ။

Touch'NGo - TNG Ewallet ဟီုဂှ်မုရော?

TNG Ewallet ဂှ်နူကဵု ကမ္မဏဳ TNG Digital Sdn Bhd တေံကၠောန်ဗဒှ်ကၠုၚ်နကဵုရန်တၟအ် သွက်ဂွံထိၚ်ဒဝ်ရပ်စပ်သၠုဲသြန်မလောဲသွာ ဂီုကၠီုရ။ သုၚ်စောဲ TNG Ewallet တုဲ မၞးဂိုၚ်စွံသြန်မာန်ကီု၊ မၞးကဵုသြန်ပ္ဍဲဖျာကီု ကေုာံ ပၠံၚ်ဗ္စိုပ်သၠုဲသြန် အပ္ဍဲဍုၚ်ကီု မ္ၚးဍုၚ်ကီုဂှ်ပ္ဍဲကဵု မွဲဒၞါဲဓဝ် ကၠောန်သ္ပမာန်ရ။ သွက်ဂွံသ္ပရဳဂျေတ်သတာဂှ် မၞးဟွံဒးကဵုသြန်ရ။ ညးမသုၚ်စောဲရပ်စပ်ဂွံတအ်ဂှ် ဒးမၞုံအာယုက် အောန်အိုတ် ၁၂ သၞာံ ကေုာံ လ္ပါ်လ္တူ ၁၂ သၞာံ ဒးဒှ်ရောၚ်။ မၞးမိက်ဂွံသုၚ်စောဲ ကာတ်ဗဳဇြာမ္ဂးလေဝ် နကဵုၚုဟ်မး ၁၅ ရေန်ဂေတ် (ပါလုပ် သီုစရိတ်ပၠံၚ်ဗ္စိုပ်တုဲတုဲ) တုဲ ရာန်ကေတ်နူကဵု App ဂှ်မာန်ရ။ ကာတ် Visa ဂှ် ဍေံတောဲဒၟံၚ်ကဵု သြန်ပ္ဍဲကဵု TNG Ewallet ဂှ်တုဲ မၞးမိက်ဂွံပ္တိတ်သၠုဲသြန်ပ္ဍဲကဵု ATM မ္ဂးလေဝ် ပ္တိတ်ဂွံလောဲလောဲသွာသွာရ။ မပ္တံကဵု သောၚ်သၠုဲသြန်ကဵု ကာတ်Visa လေဝ် သုၚ်စောဲမာန်ရ။

ညးဂှ်သ္ပရဳဂျေတ်သတာ သွက်ဂွံသုၚ်စောဲ TNG မာန်ရော?

ညးမၞုံအာယုက် ၁၂ ကေုာံ လ္တူ ၁၂ သၞာံ ကေုာံ ညးမရပ်လဝ်ကာတ်ယူအာန်တအ်အိုတ်သီု သ္ပရဳဂျေတ်သတာတုဲ သုၚ်စောဲမာန်ရ။

မုဂွံဒုၚ်စသိုၚ်?

• ဂိုၚ်စွံသၠုဲသြန် စဵုကဵု ၅၀၀၀ ရေန်ဂေတ်မာန်

• ပ္တိတ်သၠုဲမဂိုၚ်စွံလဝ်ပ္ဍဲကဵု TNG နူကဵု ATM အတိုၚ်မွဲဂၠးကဝ်

• ပြၚ်သၠုဲကေုာံ စုတ်သၠုဲနူကဵု Bank ပ္ဍဲဍုၚ်မလေဝ်တအ်သီုဖအိုတ်မာန်

• စုတ်သၠုဲဖုၚ် ဗပေၚ်သၠုၚ်ဖုၚ်မာန်

• ကဵုစရိတ်နာနာ (ပၟတ်၊ ဍာ်၊ ဖုၚ်၊ အေန်တာနိတ်) မာန်

သ္ပရီဂျေတ်သတာလောဲလောဲသွာသွာမာန်ရ။

ပရေၚ်ဒးစွံသတိအဓိကဂမၠိုၚ်

• အခိၚ်သ္ပရဳဂျေတ်သတာမ္ဂး သုၚ်စောဲ အဳမေလ်ဇကုဇေတ်တ်၊ ဒၞါဲဒၟံၚ်ဇကုဇေတ်တ်၊ မဂၞန်ဖုၚ်ဇကုသုၚ်စောဲဒၟံၚ်ဇေတ်တ် ကေုာံ ကာတ်UNHCR ဇကုဇေတ်တ်ညိ။

• လ္ပသုၚ်စောဲ ကာတ် UNHCR ညးတၞဟ်တုဲပ္တိုန်ညိ။

• ခါရ တက်ဗီုကာတ်မ္ဂး တက်ကဵု ကၠးကၠးအးအးညိ။ ဗီုကာတ်ဂှ် ယဝ်ခါရ သၞိၚ်နွံ၊ ဟွံကၠး၊ ဗှ်ဟွံညာတ်ခိုဟ်ဟ်မ္ဂး ရဳဂျေတ်သတာဟွံအံၚ်ဇၞးရ။

• ဗီုကာတ် UNHCR ဂှ်ဒးဒှ်ဗီုကာတ် ပေၚ်ၚ်ရောၚ်။ ဗီုကာတ်ပိုတ်ဒၟံၚ်တအ်ဟွံဂွံ။ ခါရတက်ဗီု စးကာတ်မ္ဂး QR Code သၟးဟွံဂွံ၊ ဒးတက်ကဵု အတိုၚ်စးကာတ်ပေၚ်ၚ်ရောၚ်။

• ခါရတက်စုတ် ဌာန်ဒၟံၚ်မ္ဂး မဂၞန်သ္ၚိ၊ ဂၠံၚ်ဍာန်၊ မဂၞန် Post (55100, ....) တအ်ကဵုပါညိ။ ယဝ်တက်စုတ် အတိုၚ်လိက်တၞးစရိတ်ပၟတ်၊ စရိတ်ဍာ်မ္ဂး ခိုဟ်ဂၠိုၚ်ရ။ မုဟိုတ်မ္ဂး ခါရညးတအ် ကၠုၚ်ပၠံၚ်ကာတ် Visa မ္ဂး ဂွံစိုပ်မာန်မဒှ်ရ။

• ခါရဒးတက်ဗီုပ္ဍဲကဵု အခိၚ်ပ္တိုန် ရဳဂျေတ်သတာတေံမ္ဂး ပ္ဍဲကဵုလ္ပဒၞါလဝ်ကဵု မွဲမွဲညိ။ ဥပမာ- စုတ်လဝ်ဒ္ၚေါဝ်မတ်မ္ဂး ပ္တိတ်ထောံညိ။

ဗီုပြၚ်သ္ပရဳဂျေတ်သတာ က္ဆံၚ်ၚ်

1. ဂြဲဖျေံ TNG Ewallet နူကဵု Apple App Store ဟွံသေၚ်မ္ဂး Google Play Store ကၠာညိ။

2. သ္ဂောံဂွံ OTP Code နကဵု SMS ဂှ် တက်စုတ် မဂၞန်ဖုၚ်ဇကုညိ။

3. Account ဇကု ဂွံဂီုကၠီုဂှ် တက်စုတ် မဂၞန်ဓလုက် ၆ မ ညိ။ တုဲပၠန် စုတ်သၟာန်သွက်ပရေၚ်ဂီုကၠီုတုဲ တက်စုတ်သွဟ်ဇကုညိ။ သမ္တီလဝ်သၟာန်ကေုာံသွဟ်ဇကုတက်စုတ်လဝ်တအ်ဂှ်ညိ။ မဂၞန် ၆ မဂှ်လေဝ်သမ္တီလဝ်ညိ။ တၚ်နၚ်ဇကုစုတ်လဝ်တအ်အိုတ်ဿီုဂှ် သမ္တီလဝ် ချိုတ်တ်ပၠိုတ်တ်ညိ။

4. တၚ်နၚ်ဇကုအတိုၚ်စုတ်လဝ်ပ္ဍဲကဵု လ္တူကာတ်ယူအာန်ဂှ် တက်စုတ်ညိ။

5. တုဲမ္ဂး ကိုပ်ကၠာအိုတ်မ္ဂး သုၚ်စောဲသၠုဲ အကြာ၂၀၀ ရေန်ဂေတ်မာန်ရ။ နူဂှ်တုဲသ္ဂောံသမၠုၚ်ပ္တိုန်က္ဆံၚ် သၠုဲ ၅၀၀၀ ရေန်ဂေတ်မာန်ဂှ် ဗက်ကၠောန်အာကဵု အတိုၚ်သၟဝ်တေံညိပၠန်။

6. သ္ဂောံကလေၚ်ပ္တိုန်ကဆံၚ်ဂှ် ဍဵုကဵု လ္တူ ဗီု "Not verified" ဒၞါဲ profile ဇကုညိ။

7. ပ္ဍဲဂှ်ရုဲစှ်ကဵု UNHCR ID ညိ။ (ဗီုကာတ်တအ်ဂှ် တက်ကဵု ကၠးကၠးအးအးညိ)

8. တက်ကဵု သေဖဳ မုက်ဇကုမွဲညိ။ (မုက်ဇကုကဵု ဍေံညာတ်ကၠးကၠးညိ)

9. တုဲပၠန်မ္ဂးဗပေၚ်စုတ် ယၟု၊ မဂၞန်ကာတ်လ္တူကဵု သၟဝ် ကေုာံ သၟာန်သောဲသောဲပြေဲပြေဲတုဲမ္ဂး ဒးမၚ် လ္တူနူ ၅ တ္ၚဲဒှ်မာန်ရ။

10. ယဝ်ခါရအံၚ်ဇၞးအာမ္ဂး နူသုၚ်စောဲသြန် ၂၀၀ ရေန်ဂေတ်ဂွံဂှ် စိုပ်အာ ၅၀၀၀ ရေန်ဂေတ်ရအဴ။

တၚ်စၟတ်

ယဝ်ခါရပရေၚ်သမၠုၚ်က္ဆံၚ်ဟွံအံၚ်ဇၞးမ္ဂး ဟိုတ်နူကဵု ဗပေၚ်စုတ်လဝ် တၚ်နၚ်ဟွံဒး၊ ဗီုကာတ်ဟွံကၠး ကီုဒှ်မာန်ရ။ ယဝ်ဟွံအံၚ်ဇၞးမ္ဂးကလေၚ်အာကဵု ကဆံၚ် မဂၞန် ၆ လ္တူတေံပၠန်တုဲ ဒးပ္တိုန်မွဲဝါပၠန်ရောၚ်။

ပရေၚ်ညးပ္တိုန်ရဳဂျေတ်သတာတအ်ဗၠေတ်လေပ်ဂမၠိုၚ်