သၟာန်သွဟ်သွက်ယဲမှုက်

1. ယဲမှုက်ကေုာံ ယဲမှုက်ဂျာမာန်ဂှ်မုရော။

ယဲမှုက် ကေုာံ ယဲမှုက် ဂျာမာန်ဂှ် ဒှ်ယဲကၠောံလောဲမဒှ်ရ။ ယဲမှုက်ဂှ်ကၠောံနူကဵု ဗီုၚ်ရာတ်တုဲ ယဲမှုက်ဂျာမန်ဂှ် က္တဵုဒှ်ကၠုၚ်နူကဵု ဗိုၚ်ရာတ်ရူဗေဠာရ။

2. နနဲလဵု ယဲမှုက်ပြးကၠုၚ်ရော။

ယဲမှုက်ဂှ် ပြးတိတ်ကၠုၚ်နူကဵု ဍာ်ပါၚ်ကေုာံ အရာမတိတ်ကၠုၚ်နူ မုဟ်တအ်ရ။ ယဝ်ညးဒှ်ဒၟံၚ်ယဲတအ် ခဍက်ကီု၊ ခအှ်ကီု ကေုာံ တက်ဒးကျာကီုလေဝ်ကၠောံလေပ်ရ။ တုဲပၠန်ယဝ် ရပ်စပ်ဒး ဍာ်ပါၚ်ကေုာံ လ္တူဗၠးယဲမၞုံမံၚ်မွဲမွဲတအ်မ္ဂးလေဝ် ယဲကၠောံမာန်ရ။

3. မူဟိုတ်ယဲမှုက်ဂှ် ဒှ်အန္ဒရာဲရော။

ဟိုတ်မ္ဂးတုန်:

1.ဍေံဂှ်ဒှ်ယဲကၠောံလောဲရ။ နူကဵုညးယဲမွဲတၠဂှ် ကၠောံစိုပ်အကြာ မၞိဟ်၁၂ ကု ၁၈ တၠမာန်ရ။

2.ယဲဏအ်ဂှ် သွက်ကောန်ၚာ်ဍောတ်တ်၊ သွက်ညးယဲဒိုက်နွံ ကေုာံ သွက်ညးနွံကဵု စၟစဵုဒၞါယဲအောန်တအ်မ္ဂး ဒှ်အန္ဒရာဲသၟးဟွံက ယဲတၞဟ်ဟ်လေဝ်ထပ်ဗြေဝ်ကၠုၚ်မာန်ရ။

3.နဲလွဳဝတ်သွက်ယဲမှုက် ချိုတ်တ်ပၠိုတ်တ်ဂှ် ဟွံမွဲဏီရ။ ဂဥုဲနွံမံၚ်လၟုဟ်ဂှ် သွက်ဂွံ ဖအောန်ဖျေံယဲမှုက် ကေုာံ သွက်ဂွံစဵုဒၞါယဝ်ဗြေဝ်တိတ်ကၠုၚ်မာန်တအ်ဟေၚ်နွံရ။

4. နနဲလဵု နူကဵု ညးယဲမွဲ ပြးတိတ်ကၠောံစိုပ်ညးမွဲရော။

ညးယဲ စၠောံယဲမာန်ဂှ် အကြာပရောဟ်နာ်မံက်တုဲ ၄ တ္ၚဲ ဟွံသေၚ်မ္ဂး အကြာ ပရောဟ်နာာ်ဟွံမံက်ဏီ ၄ တ္ၚဲ မဂှ်ရ။ ပ္ဍဲအကြာကာလဂှ်မ္ဂး ယဲကၠောံနူညးတအ်မာန်ရ။

5.လက္ချဏ် ယဲမှုက်ဗီုလဵုနွံ။

လက္ချဏ်ယဲတအ်ဂှ် ယဲကၠောံဂွံတုဲ အကြာ ၇ တ္ၚဲ ကေုာံ ၁၄ တ္ၚဲဂှ် စဒှ်ရ။ အခိၚ်ဏအ်ဂှ် ညးကော်စ အပိုၚ်အခြာပဋိသန္ဓိရ။ သၟဝ်တေံထ္ၜးလဝ်ဂှ် အခိၚ်အပိုၚ်အခြာယဲ မဒှ်ရ။

၀-၇ တ္ၚဲ (အပိုၚ်အခြာပဋိသန္ဓိ):

ပ္ဍဲအပိုၚ်အခြာဏအ်မ္ဂး ဗိုၚ်ရာတ်စဍတ်ကၠုၚ်ပ္ဍဲကဵု ခန္ဓပိုယ်ရ။ ဆ္ဂး လက္ချဏ်ယဲ ဟွံတိတ်ဏီရ။

၇-၁၀ တ္ၚဲ

လက္ချဏ်ယဲစမံက်:

• ဇွဟ် (ဂမ္တဴသၠုၚ်, > ၃၈.၃C)

• ခဍက်

• ဒးဆာမ်

• မတ်ဍာဲ ကေုာံ ဍာ်မၚ်

• ဍောၚ်လောဲ ကေုာံ ဇြဟတ်အောန်

၁၀-၁၂ တ္ၚဲ

မဍံက်က် ဗုဗု ဍာဲဍာဲတအ် စမံက်ကၠုၚ်ပ္ဍဲမုက် ကေုာံ ပ္ဍဲပါၚ်

၁၂-၁၄ တ္ၚဲ

• ဗရန်သၞော်ယဲမှုက်စမံက်:

• စဒှ်နူမုက် ကဵု လ္ကရဴကတောဝ်

• စပြးတိတ် လ္ပါ်သြိုဟ်၊ ဇိုၚ် ကေုာံ တဲ

• ဒှ်ပွိုၚ် ၅-၆ တ္ၚဲမာန်။ တုဲမ္ဂးဍေံကလေၚ်ကၠေံသိုက်က်မာန်

6. ဟိုတ်နူ ယဲမှုက်တုဲ မုယဲထပ်ဗြေဝ်တိတ်မာန်ရော။

ယဲဗြေဝ်တိတ်မာန်တအ်ဂှ် ယဲကၠောံတုဲကီု ခိၚ်ဒှ်ဒၟံၚ်ယဲကီု က္တဵုမာန်ရ။ ယဲတအ် ဒှ်ဍိုန်န်လေဝ်မာန် ဗွဲမသ္ကာတ်မြဟ်လေဝ်ဒှ်မာန်ရောၚ်။ ကောန်ၚာ်ဍောတ်တ်၊ ညးဗြဴနွံကဵု ယဲဒိုက် ကေုာံ ကောန်ၚာ်အဟာရဟွံပေၚ်တအ်ဂှ် ဒးစွံသတိ ဇၞော်ဇၞော်ရ။

သၟဝ်ဏအ်ဝွံ ယဲထပ်က္တဵုဒှ်မာန်မဒှ်ရ:

• ကတောဝ်ဂိ စဵုကဵု ကတောဝ်က္ဍိုၚ်

• ယဲက္ဍိုဟ်ဂုဟ်

• ယဲကသအ်ဂုဟ်

• တိုန်-ဝိုတ်သတိ

• မတ်ဂိ မတ်ဍာဲ ဍာ်မၚ် ကေုာံ အိက်မတ်တိတ်တုဲ မတ်ကၠက်မာန်

• ချိုတ်

7. မၞိဟ်ဗီုလဵုဂှ် က္တဵုဒှ်ယဲမှုက်မာန်အိုတ်ရော။

ကောန်ၚာ်ဍောတ်တ် သၟဝ် ၁ သၞာံ၊ ကောန်ၚာ်ဟွံထ္ပက်လဝ်ဂဥုဲစဵုဒၞါကီု ကောန်ၚာ်ဟွံထ္ပက်လဝ် ဂဥုဲပေၚ်ၚ်ကီု ကေုာံ မၞိဟဟွကေၚ်က္တဵုဒှ်ယဲမှုက်တအ် ဒှ်မာန်ရ။

8.အသိၚ်ယဲကၠောံ (R0) ဂှ်မုရော?

အသိၚ်ယဲမှုက်ကၠောံဂှ် ကော်ခဴစ R0 တုဲ ဗ္ၜတ်အဗြောံယဲကၠောံနူကဵု မၞိယ်ယဲ မှုက်မွဲတၠမဒှ်ရ။ အသိၚ်ယဲမှုက်ကၠောံ (R0) ဂှ် ၁၂- ၁၈ မဒှ်တုဲ , အဓိပ္ပါဲဍေံဂှ် ဟိုတ်နူတၠယဲမှုက်မွဲတၠ ယဲကၠောံစိုပ် မၞိဟ်အကြာ ၁၂ တၠ ကု ၁၈ တၠမာန်ရ။

9. ဗီုလဵုသ္ကောံစဵုဒၞါ ယဲမှုက်ရော?

နဲကဲစဵုဒၞါနွံဗွဲမဂၠိုၚ်ရ:

1. ထ္ပက်ဂဥုဲစဵုဒၞါဂှ်ဒှ် ပရေၚ်စဵုဒၞါခိုဟ်အိုတ်မဒှ်ရ။ သွက်ကောန်ၚာ်မ္ဂး အတိုၚ် ဂကောံစဵုဒၞါယဲဖျေံလဝ် အကြာ ၉ ဂိတု ကု ၁၂ ဂိတု ဂှ် ထ္ပက်လဝ်ဂဥုဲ MMR မ္ဂး ဒှ်ပရေၚ်စဵုဒၞါမာန်ရ။

2. ကောန်ၚာ်ထ္ပက်ဂဥုဲဟွံဂတာပ်တအ်ဂှ် ဒးဗ္ဒဗ္ဒါဲကု ဒြဟတ်စၟစဵုဒၞါပ္ဍဲခန္ဓရ။ ဒြဟတ်စဵုဒၞါစၟယဲပ္ဍဲခန္ဓပိုဲဂှ် ပ္ဍဲပွဳပွိုၚ်ဇကု ယဝ်မၞိဟ်ထ္ပက်လဝ်ဂဥုဲ ၉၅% ဟွံမွဲမ္ဂး စဵုဒၞါကဵုဟွံမာန်ရ။

3. လ္ပအာဒၞါဲမၞိဟ်နွံဂၠိုၚ်တအ်ညိ။ စွံသတိကု ပရေၚ်သ္အးဇ္ၚး၊ ကြာတ်တဲအးအး၊ ခဍက်ကၟာတ်ပါၚ် ကေုာံ သုၚ်စောဲဟရောပ်ပါၚ်တအ်ညိ။

10. ပ္ဍဲကဵု အစဳဇန်ထ္ပက်ဂဥုဲစဵုဒၞါဏအ် ဂဥုဲဂကူလဵုသုၚ်စောဲလဝ်ရော?

ပ္ဍဲကဵုအစဳဇန်ထ္ပက်ဂဥုဲစဵုဒၞါဏအ်ဂှ် အတိုၚ် ဝန်ဇၞော်ပရေၚ်ထတ်ယုက်ဖျေံလဝ်ဂှ်ရ သုၚ်စောဲအာဂဥုဲ MMR သွက် ကောန်ၚာ် အကြာ ၉ ဂိတု ကု ၁၂ ဂိတုရ။ မ္ၚးနူကဵု စဵုဒၞါ ယဲမှုက်တုဲ ဂဥုဲဏအ်ဂှ် စဵုဒၞါကဵု သီု ယဲခၟၚ်ကၠိက် ကေုာံ ယဲမှုက်ဂျာမာန်ကီုရ။ ပ္ဍဲကဵု ပွိုၚ်ဍုၚ် ဆာဗါတေံမ္ဂး ဂဥုဲစဵုဒၞါဲယဲမှုက်ဂှ် စနူကောန်ၚာ် အာယုက် ၆ဂိတုဂှ် ဒးထ္ပက်မွဲတၞုၚ်ရ။

11. မူဂဥုဲဂကူလဵုသုၚ်စောဲပ္ဍဲ အစဳဇန် MR SIA ရော?

ပ္ဍဲကာလအစဳဇန်ဏအ်မ္ဂး ဝန်ဇၞော်ပရေၚ်ထတ်ယုက်တအ်သုၚ်စောဲဏာ ဂဥုဲယဲမှုက် သွက်ကောန်ၚာ် ၆ဂိတု စိုပ် ၅၉ ဂိတုတအ် ၜါဂကူရ။

1. ကောန်ၚာ်အာယုက်မၞုံ ၉ ဂိတု စိုပ် ၁၂ ဂိတုတအ်ဂှ် ပ္ဍဲကဵု ကာလဏအ် ကဵုဂဥုဲ MMR အတိုၚ်အစဳဇန် ဖျေံလဝ်တုဲတုဲဂှ်ရောၚ်။

2. တၞဟ်နူဂှ်ပၠန် သွက်ကောန်ၚာ် ထ္ပက်ဂဥုဲ MMR ဂွံတအ်ဂှ်လေဝ် ထ္ပက်ဏာကဵုရောၚ်။

12. ဂဥုဲ MR/MMR ဂှ်ဗီုလဵုထ္ပက်ကဵုရော?

ဂဥုဲစဵုဒၞါဂှ် ထ္ပက်ကဵု ပ္ဍဲတဲဟွံသေၚ်မ္ဂး ပ္ဍဲဒဳ မွဲတၞိန်ရ။

13. ဂဥုဲစဵုဒၞါ MR ဂှ်မုရော ?

ဂဥုဲထ္ပက် MR ဂှ် ဒှ်ဂဥုဲ စဵုဒၞါယဲမှုက် ကေုာံ ယဲမှုက် ဂျာမာန် မဒှ်ရ။

14. ဂဥုဲထ္ပက် MMR ကေုာံ ဂဥုဲ MR သုၚ်စောဲပ္ဍဲအစဳဇန်ဏအ် မုတၞဟ်ခြာသာ်လဵုရော။

• ဂဥုဲထ္ပက် သုၚ်စောဲဒၟံၚ်ပ္ဍဲကဵု အစဳဇန်အလုံဍုၚ် (MMR)တေံဂှ် ပံၚ်လဝ် ၃ ဂကူ ၁မ တုဲ စဵုဒၞါကု ယဲမှုက်၊ ယဲခၟၚ်ကၠိက် ကေုာံ ယဲမှုက်ဂျာမန်မဒှ်ရ။ ဂဥုဲစဵုဒၞါ MMR ဂှ် ညးကဵု ၂ လတုန် - ပ္ဍဲအာယုက် ၉ ဂိတု ဂှ် မွဲလတုန်၊ ပ္ဍဲကဵု အာယုက် ၁၂ ဂိတုဂှ်မ္ဂး ကဵုအလန်ဒုတိယရ။

• ပ္ဍဲအစဳဇန်လၟုဟ်ဏအ်ဂှ် သုၚ်စောဲဏာဂဥုဲ MR ပံၚ်လဝ် ၂ ဂကူ ၁ မ တုဲ သွက်ဂွံစဵုဒၞါ ယဲမှုက် ကေုာံ ယဲမှုက်ဂျာမန် ဂၠိုၚ်ၚ်မာန်ကၠောန်ဗဒှ်လဝ်ရ။

15. ဂဥုဲစဵုဒၞါ MR မူစိမ ထ္ပက်ဏာကဵု ကောန်ၚာ်တအ်ရော။

ပ္ဍဲကဵုအပိုၚ်အခြာအစဳဇန်ဏအ်မ္ဂး ထ္ပက်ဏာကဵု ကောန်ၚာ်သုၚ်

16.လ္တူ ဂဥုဲထ္ပက် MR ဏအ် ဘာသာအေတ်သလာမ်ဗီုလဵုညာတ်?

နကဵုစဳပၞောန်သၞောဝ် ဘာသာအေသ်သလာမ်မ္ဂး လေဝ် ဟိုတ်နူဒှ်ဂဥုဲ စဵုဒၞါယဲတုဲ ကဵုလဝ်အခေါၚ်ရ။

အဓိပ္ပါယ်ဍေံဂှ် “ကၠာဟွံစိုပ်ဒိုက် ဒစးဒုၚ်စဵုဒၞါလဝ်ကၠာဂှ် ပြဲလောန်ရောၚ်” မဒှ်ရ။ မိက်ဂွံတီလညာတ်စပ်ကဵု ထ္ပက်ဂဥုဲ ပ္ဍဲဘာသာ အေတ်သလာမ်မ္ဂး ဗှ်ဂှ်သၟဝ်တေံမာန်ရ။

https://muftiwp.gov.my/en/artikel/irsyad-fatwa/irsyad-fatwa-umum-cat/2069-irsyad-al-fatwa-series-30-vaccine-according-to-islam-s-perspective

17. ပ္ဍဲကဵု ဂဥုဲစဵုဒၞါ MR ဂှ် မုအရာပါလုပ်ဒၟံၚ်ရော။

ပ္ဍဲကဵုဂဥုဲ စဵဒၞါဂှ် စၟယဲမှုက် ကေုာံ စၟယဲမှုက် ဂျာမာန် ဍိန်န်ပါလုပ်ဒၟံၚ်ရ။ ဂဥုဲစဵုဒၞါဂှ် ဗီုပြၚ်ဍေံကၠုၚ် ဗီုပြၚ် ခၟိက်တုဲ ကၠာဟွံဂွံထ္ပက်ဂဥုဲမ္ဂး ဒးပဠာဲကၠာရ။ စပ်ကဵု ပရောပရာဂဥုဲဂှ် အာဗှ်ကေတ်ပ္ဍဲကဵု ဝီတ်သာ် NPRA ဂွံမာန်ရ။

www.npra.gov.my > consumer > product search

18. ပ္ဍဲဂဥုဲစဵုဒၞါ MR ဂှ် ဓာတ်ဖကောဝ်ပါလုပ်ဒၟံၚ်ဟာ

ဓမ္မတာမ္ဂး ပ္ဍဲကဵုဂဥုဲစဵုဒၞါဏအ်မ္ဂး ဂဥုဲဒုၚ်လအ်အ်ကီု ဓာတ်ဖကောဝ်ကီု ဟွံပါလုပ်ရ။

19. ပ္ဍဲဂဥုဲစဵုဒၞါ MR ဂှ် ကပေါတ်စပ်ကဵု သတ်တိရစ္ဆာန် ပါဒၟံၚ်ဟာ?

ကပေါတ်စပ်ကဵု သတ်တိရစ္ဆာန် ဂှ်အခိၚ်ကၠောန်တေံသုၚ်စောဲလဝ်တုဲ ကာလတုဲဒှ်မ္ဂး ကလေၚ်သ္အးဇ္ၚးလဝ် ညံၚ်ဂွံကၠေံရ။

20. ဂဥုဲစဵုဒၞါ MR ဂှ် ဂီုကၠီုဒၟံၚ်ရဟာ။

ဓမ္မတာမ္ဂး ဂဥုဲ စဵဒၞါယဲမှုက်ဂှ် ဟွံဒှ်အန္ဒရာဲကု ခန္ဓရ။ ၜိုန်ဂှ်လေဝ် အတိုၚ်ဂဥုဲ တၞဟ်ဟ်တအ်ဂှ်ရ ထ္ပက်ဂဥုဲတုဲ ဟွံကိတ်ညဳကု ခန္ဓဇကုတအ်ဒှ်မာန်ရ။ ညးထ္ပက်ဂဥုဲတုဲတအ်ဒှ်စလေပ်ဂှ် သၞော်ဒၞါထ္ပက်လဝ်ဂဥုဲ၊ ဗရန်တိတ်၊ ဂမ္တဴတိုန် ကေုာံ စၞာံဇကုသၞော်တအ်ဒှ်လေပ်ရ။ အကာဲအရာတအ်ဏအ်ဂှ် ဓမ္မတာမ္ဂး ဟွံဒးကလေၚ်လွဳမွဲသာ် ဍေံသက်သာအာကေတ်တ်ရ။ ဆ္ဂးလေဝ် ညးထ္ပက်လဝ်ဂဥုဲတုဲတုဲ ဗွဲမဖအောန်တအ်ဂှ် ဒးဒုၚ်ဘဲ သကာတ်မြဟ်လေဝ်နွံကၠုၚ်ကီုဂှ်လေဝ်စၟတ်ညိ။ ဆ္ဂးလေဝ်ပ္ဍဲကဵု ဂဥုဲထ္ပက်လၟုဟ်ဏအ်ဂှ် ညံၚ်ဟွံဂွံဒှ် အန္ဒရာဲကု ညးဒုၚ်ထပက်တအ်ဂၠိုၚ်ၚ်ဂှ် ကၠောန်ပ္တိတ်လဝ်ရ။

သရောပ်မ္ဂး အကာဲအရာယဲမှုက် ပ္တိုန်ထ္ၜးလဝ် ပ္ဍဲကဵု AEFI ကု NPRA ဂှ် ဟွံတၞဟ်ခြာစကွေံဂှ်လေဝ်ဂွံညာတ်ကေတ်ရ။ ကလေၚ်သ္ၚဳဂၠိပ် တၚ်ဒုၚ်စဳရေၚ်လဝ်အလုံဂၠးကဝ်ကီု အလုံပ္ဍဲဍုၚ်ကီုတုဲ ဂဥုဲစဵဒၞါ ယဲမှုက်ဂှ် အန္ဒရာဲအောန်ရောၚ်ဂှ် ဂွံညာတ်ကေတ်ရ။

21. ဂဥုဲစဵုဒၞါ MR ဖဵုပြေံပြေံဗီုလဵုနွံ?

ဗီုဂဥုဲတၞဟ်ဟ်ကီု ဂဥုဲစဵုဒၞါဂှ်လေဝ် ဖဵုပရေအ်ပရေအ်လေဝ်နွံရ။ ဖဵုပရေအ်ပရေအ်ဒှ်လေပ်တအ်ဂှ်:

• ဖျုန်သွဍာဲ၊ ဒၞါထ္ပက်လဝ်ဂဥုဲဂှ် ဂုဟ်၊ သၞော်

• ဇွဟ်တိုန်

• ဗရန်တိတ်ပ္ဍဲတဲ

• ဇြဟတ်အိုတ်

• ပ္ၚပ်ဂိ၊ ဇကုဇကောဝ်ဂိ တအ်မဒှ်ရ

22. အဃောသုၚ်စောဲဒၟံၚ်ဂဥုဲခၟိက်အခိုက်တြေံဂှ် ထ္ပက်ဒးဂဥုဲစဵုဒၞါမ္ဂး အန္ဒရာဲနွံဟာ?

စပ်ကဵု သၟာန်ဏအ်ဂှ် တၚ်နၚ်ချိုတ်တ်ပၠိုတ်တ်ဟွံမွဲကၠုၚ်ဏီရ။

23. မူဟိုတ်ကောန်ၚာ်တအ် ကေၚ်ထ္ပက်လဝ်ဂဥုဲတုဲလေဝ် ဒးကလေၚ်ထပက်ပၠန်ဂှ်ရော?

အကာဲအရာယဲမှုက် အသိၚ်ကာတ်တိုန်ကၠုၚ်တဒၟံၚ် ပ္ဍဲဍုၚ်မလေဝ်ရ။ ဟိုတ်နူကဵု ဇြဟတ်စၟ စဵုဒၞါယဲ ပ္ဍဲကောန်ၚာ်တအ်အောန်နူကဵု မၞိဟ်ဇၞော်တုဲ ယဝ်ထ္ပက်လဝ်မ္ဂး ဇြဟတ်စဵုဒၞါယဲကောန်ၚာ်တအ် ပဵုတုဲခိုဟ်မာန်ရ။

ထပ်ထ္ပက် ဂဥုဲ MR မ္ဂး ပရေၚ်စဵုဒၞါစၟယဲကီု ပရေၚ်စဵုဒၞါ အကာဲအရာယဲဗြေဝ် တိတ်ကၠုၚ်ကီုတအ်ဂှ် အောန်စှ်ေမာန်ရ။

24. ကောန်အဲဂှ်ထတ်ယုက်ဒၟံၚ်ရ။ မူဟိုတ်ဒးထ္ပက် ဂဥုဲစဵုဒၞါဏအ်ဏီရော။

ၜိုန်ရကောန်ၚာ်ဂှ် ထတ်ယုက်ဒၟံၚ်ကီုလေဝ် ဗၠးဘဲနူ ယဲဒးထ္ပက်ဂဥုဲ စဵုဒၞါတအ် မာန်တွဵုဟွံသေၚ်။ ယဝ်ကောန်ၚာ်တအ်ထ္ပက်လဝ် ဂဥုဲစဵုဒၞါတုဲမ္ဂး ဒှ်အထံက်အရီု ပရေၚ်စဵုဒၞါကု ယဲက္တဵုဒှ် ကၠုၚ်မာန်တအ်ရောၚ်။

25. ဂဥုဲထပ်ထ္ပက်လၟုဟ်ဏအ် စဵုဒၞါကဵု ယဲ ၁၀၀% မာန်ဟာ?

ဂဥုဲစဵုဒၞါဏအ် စဵုဒၞါကုယဲ ၁၀၀%ဟွံမာန်ရ။ ညးမွဲကုညးမွဲ ဇြဟတ်စဵုဒၞါယဲ ဟွံတုပ်ရေၚ်သ္ကအ် ကေုာံ ထ္ပက်ဂဥုဲတုဲ ဟွံစဵုဒၞါကု မွဲသာ်လေဝ်နွံရ။ ဟီုတ်ဂှ်ရ ဇၟာပ်မၞိဟ်ဂှ် ပရေၚ် စဵုဒၞါပေၚ် ၁၀၀% ဏောၚ်ဂှ် ဟီုဟွံဂွံရ။

26. ညးလဵုထ္ပက်ဂဥုဲစဵုဒၞါဏအ်ဂွံရော?

ကောန်ၚာ်မက္တဵုဒှ်မၞိဟ် အကြာအာယုက် ၆ ဂိတု ကု ၅၉ ဂိတု (၀၁၊၀၈၊ ၂၀၂၀ စိုပ် ၃၁၊၀၁၊ ၂၀၂၅) တအ်ထ္ပက် MR မာန်ရ။

27. ဂဥုဲစဵုဒၞါ MR ဏအ်ဂှ် ထ္ပက်ကဵု မးမးဟာ?

ယွံ, ဂဥုဲ MR ဏအ်ဂှ် ပ္ဍဲကဵု ရုၚ်ဂဥုဲအလဵုအသဳတအ်ဂှ် (Klinik Kesihatan) ထပက်ဏာကဵု မးမးရောၚ်။

28. ဂဥုဲစဵုဒၞါ MR ဂှ် ကောန်ၚာ်တအ် ဒးထ္ပက်ဟေၚ်ဟာ?

ဂဥုဲဏအ်ဂှ် ကောန်ၚာ်တအ် ဒးထ္ပက်ဟေၚ်ဟွံသေၚ်ကီုလေဝ် ဝန်ဇၞော် ပရေၚ်ထတ်ယုက်တအ် ညံၚ်ကောန်ၚာ်အာယုက်စိုပ်တအ် ထ္ပက်အိုတ်ညိဂှ် ဟီုလဝ်ရ။

29. ဗီုလဵုအဲဂွံဂွံ ဂဥုဲစဵုဒၞါ MR ရော?

တ္ၚဲချိၚ်ဂွံထ္ပက်ဂဥုဲဂှ် အာကေတ်ပ္ဍဲရုၚ်ဂဥုဲအလဵုအသဳ (Klinik Kesihatan) ဗ္ဒါဲဇကု, ဟွံသေၚ်မ္ဂး ကေတ်တ္ၚဲချိၚ် နူကဵု MySejahtera မွဲက္ဆံၚ်မာန်ရ။

30. တၚ်နၚ်စပ်ကဵု ဂဥုဲထ္ပက် MR ဂှ်အလဵုဗှ်ကေတ်မာန်?

မၞးဗှ်ကေတ်သောဲသောဲဗြောဲဗြောဲပ္ဍဲ:

1)ဝိတ်သာ်သၟဝ်တအ်ဏအ်မာန်ရ:

• www.infosihat.gov.my

• www.myhealth.gov.my

• https://immunise4life.my

• https://www.who.int

• https://www.cdc.gov/vaccines/vpd/mmr/public/index.html

2) ပ္ဍဲလ္တူဇာနှိက်လပှ်ကျာ Ministry of Health Malaysia ကေုာံ MyHealth တအ်လေဝ်ဗှ်ဂွံရ။

3)လိက်ပ္တိတ်လဝ်နူကဵု Family Health Development Division (BPKK), ကေုာံ ဝန်ဇၞော်ထတ်ယုက်သၟဝ်တေံ:

• Penyakit Cegahan Vaksin dan Imunisasi (Vaccine-Preventable Diseases and Immunization), 2019

• Buku Panduan Menangani Ibu Bapa yang Ragu atau Menolak Vaksin (Guidebook for Dealing with Parents Who Are Hesitant or Reject Vaccines), 2021