ဆဵုဂ္ဗသဳကၠဳကု ဘာ Monfort Boys Town
သွက်ကွးဘာတအ်ကောန်ဒှ်ဒဒိုက်တအ် ဂွံဆက်တိုန်အာဘာပ္ဍဲကဵု ဍုၚ်မလေဝ္
MRO
4/8/20251 min read
ကောံဓရီုဆဵုဂ္ဗသဳကၠဳကု ဒါရိုက်တာဘာ Monfort Boys Town
သွက်ဂွံဆက်တိုန်အာဘာ Monfort တအ်ဂှ် ဇၟာပ်သၞာံမ္ဂး ညးတအ်ဒုၚ်တဲ ၂၀ တၠရောၚ်။ သွက်သၞာံ ၂၀၂၆-၂၀၂၇ ဂှ် ညးတအ်ဆက်ဒုၚ်တဲကွးဘာ ၉ တၠရမာန်ရောၚ် ညးတာလျိုၚ်ဘာတအ်ဟီုရ။
နူကဵုဘာမန်ဝှတ်တအ် အာတ်မိက်ကၠုၚ် သွက်ဂွံဖန်ဗဒှ်သြန်ဗွဝ်သွက် ကွးဘာနူကဵု ကောန်ဍုၚ်အရၚ်တိုန်စိုပ်ဒၟံၚ်ဘာတေံရ။
မွဲသၞာံမ္ဂး ဂျူလာၚ်၊ အဝ်ဂေတ် ဂှ်ညးတအ်ဒုၚ်တဲကွးဘာၜါအလန်။
ညးတအ်မိက်ဂွံဂွံအာရီုဗၚ်
ယဝ်ခါရကွးဘာတိုန်မံၚ်ဘာပ္ဍဲကဵု မန်ဝှတ်တအ်ယဲအာမ္ဂး နူကဵုဘာဂှ်ကဵုလဝ်ကၠာတုဲ မိမတအ်ကလေၚ်ကဵုသြန်အိုတ်အာဂှ်ရ။
ယဝ်ခါရ ကွးဘာတိုန်စိုပ်ဒၟံၚ်ဘာ မန်ဝှတ်တအ်ယဲအာမ္ဂး နူကဵု COBEM တအ် ကေတ်ကဵုတာလျိုၚ်သွက်ကွးဘာတအ်မာန်ဟာ။
လောန်ကၠုၚ်မွဲအခိၚ်တအ် ညးတအ်ကေၚ်ဆဵုလဝ်မိမကွးဘာတအ်ကလေၚ်ကဵုသြန် နကဵု လၟေၚ်ဂိတုရ။
Parental Donation /Admission
နူကဵုကွးဘာတိုန်မံၚ်ဘာ ပ္ဍဲကဵုဘာမန်ဝှတ်တအ်ဂှ် ယဝ်ရဒှ်မံၚ်နူကဵု ဂကောံကောန်ဍုၚ်အရၚ်တအ်ဏောၚ်ဟီုမ္ဂးတိုန် နူကဵု ဂကောံကောန်ဍုၚ်အရၚ်တအ် ကဵုထံက်ပၚ်သြန်ဂိတုလၟေၚ်ဂိ မူစိမာန်ရောဂှ် ဂျဵုသာပ်တအ်သၟာန်ကၠုၚ်ရ။ မွဲဂိတု ၂၀၀ ရေန်ဂေတ်ကဵုဒှ် ၃၀၀ ရေန်ဂေတ်ကဵုဒှ် ကဵုမာန်ဟာဂှ်လေဝ် ညးတအ်သၟာန်ကၠုၚ်ရ။
ပထရေက် နူကဵုဂကောံ ကချေၚ်ဂှ် ကဵုကၠုၚ်ကသပ် သွက်ကွးဘာတအ်ဒးတိုန်ရုၚ်ဂဥုဲဒးပါ်စရေက်မ္ဂးနကဵု မန်ဝှတ်ဂှ် ကဵု ၄၀% နူကဵုဂကောံကောန်ဍုၚ်အရၚ်တအ်ဂှ်ကဵု ၆၀%ဟာ။ AOHD နူကဵု RC ဘာချာတ်တအ်ဂှ် စိုတ်ထတ်သွက်ဂွံ ရီုဗၚ်ဟံၚ်ပြာ်ပရေၚ်ပညာ သွက်ကောန်ဍုၚ်ဗၟာတအ်ဂးရ။